البساطه !

 

البساطه شي حلو في كل مكان وكل زمان للصغير وللكبير..

وفي وقتنا الحالي انعدم شي اسمه بساطه وطغت عليه الرسميه والتكبر و(شوفة النفس )

على ايش ما ادري !

حتى بين الاقارب صار هالشي واضح ..

 الجلسه رسميه لابعد الحدود .. ولازم قبل لاتتكلم تحسب الف حساب للي بتقوله لانه راح ينعكس عليك بشكل سلبي !!

انتشر الحسد والتكبر والغيره من بعض ..

صار كل شخص يشوف انو هو افضل واحد وما احد قده..!!

صرنا نحب اشخاص .. ونكره اشخاص .. نفضل ناس على ناس .. ولو احد سألنا ليش نكرهم مانعرف نجاوب !!

واحيانا تصرفاتهم تجبرنا انو نكرهم …. لكن ضروري نقابلهم

..

ناس كثير ماسويت لهم شي لكن يكرهونك كره مو طبيعي !

والمشكله تحس بهالشي من كلامهم .. وتصرفاتهم ..

يعني ممكن لو كرهنا احد يكون شي بداخلنا وخلاص مو لازم كل الناس يدرون ؟!

..

و فيه فئه من الناس .. تتكلم وتنصح والبس هالشي ولا تلبس هالشي !!

لكن لما تشوف اهل بيته كل اللي يلبسونه هو الممنوع عليك !! وافضع من اللي تلبسه!!

يعني اللي اعرفه انو الاقربون اولى بالمعروف .. ليش تغير الوضع !!

صرنا ننصح الناس واهل بيوتنا مانقدر نقول لهم شي ومخلينهم على راحتهم !!

..

فئه ثانيه ..

 ماتذكرك الا اذا فيه مصلحه بينك وبينهم .. واول ماتفيدهم ينسونك وينسون المعروف اللي سويته لهم !!

ليش الناس تغيروا !!

والكلمه اللي يقولونها لك انو الدنيا تغيرت !!

الدنيا ماتغيرت ولا شي الا الناس والانفس هي اللي تغيرت ..

ليش مانعيد حساباتنا !!

ليش مانحسن من وضعنا !!

ليش ماترجع جمعاتنا وجلساتنا مثل اول يكون كل واحد خايف على الثاني ..

 ولو حصل له شي حلوو يدعي له بكل خير

وان حصل له شي مو كويس يوقف جنبه ويساعده قد مايقدر ..

!!

..

اتمنى من كل قلبي ان كل شخص يقرأ هالبوست يبدأ بالتغيير من اليوم ..

وانا اولكم .. بأذن الله راح ابدأ بتغيير نفسي .. واحاول اشوف الصفات السلبيه اللي عندي واحسن منها واغيرها للأفضل ..

..

اسيل

مسجد كأنني اكلت

مسجد كأنني أكلت

 

هل سمع أحد بمثل هذا الاسم الغريب ؟

 

 

هو جامع صغير في منطقة ‘فاتح’ في اسطنبول واسم الجامع باللغة التركية هو ‘ صانكي يدم ‘ أي كأنني أكلت

ووراء هذا الاسم الغريب قصــة … وفيها عبرة كبيرة .

في كتابه الشيق ‘روائع من التاريخ العثماني ‘ كتب الأستاذ الفاضل ‘أورخان محمد علي’ .. قصة هذا الجامع .. فيقول أنه :

كان يعيش في منطقة ‘فاتح’ شخص ورع اسمه خير الدين أفندي، كان صاحبنا هذا عندما يمشي في السوق ، وتتوق نفسه لشراء فاكهة ، ‘أو لحم ، أو حلوى ، يقول في نفسه : ‘ صانكي يدم’

.. يعني كأنني أكلت’ أو ‘افترض أنني أكلت’!! … ثم يضع ثمن ذلك الطعـام في صندوق له ….. ومضت الأشهر والسنوات … وهو يكف نفسه عن لذائذ الأكل … ويكتفي بما يقيم أوده فقط ، وكانت النقود تزداد في صندوقه شيئا فشيئا ، حتى استطاع بهذا المبلغ القيام ببناء مسجد صغير في محلته ، ولما كان أهل المحلة يعرفون قصة هذا الشخص الورع الفقيــــر، وكيف استطاع أن يبني هذا المسجد , أطلقوا على الجامع اسم جامع : صانكي يدم

كم من المال سنجمع للفقراء والمحتاجين

وكم من المشاريع سنشيد في مجتمعنا وفي العالم

وكم من فقير سنسد جوعه وحاجته

وكم من القصور سنشيد في منازلنا

في الجنة إن شاء الله

وكم من الحرام والشبهات سنتجنب

لو أننا اتبعنا منهج ذلك الفقير الورع

وقلنا كلما دعتنا أنفسنا لشهوة زائدة على حاجتنا

كأنني أكلت

هذا المسجد مجرد أربعة حوائط ومأذنتين ..و مع ذلك لم يترك المسلمون الصلاة فيه .. هذا المسجد الصغير ذو الحشائش الخضراء اكتض بهم لدرجة أن بعضهم يصلي خارجة ..

أترككم مع الصور فهي أكثر تعبيرا عنه..

ما أجمل بيوت الله مهما كان شكلها..

 

بسبوسة بالشعيريه

مساء الطبخات

..

اليوم مسويه لكم حلاا انما ايييييييه >> قلبنا مصري

..

ابي الكل يسويه لانه من اسهل مايكون

وطعمه من احلا مايكون

..

المقادير

4 بيضات

1/2 كاس زيت

3/4 كاس سكر

1 ملعقه كبيره بيكنج بودر

1 كاس سميد

1/2 علبة بسكويت شاي

..

الطريقه

تخلط جميع المقادير مع بعضها البعض ( البيض _ الزيت _ السكر _ البيكنج بودر ) .. وتكون بهذا الشكل

بعدين نكسر البسكويت كسر كبيره شوي ونضيفها ع الخليط

بعد مانضيف البسكون نخلطه شوي بالملعقه

يطلع مثل هالشكل

بعدين نضيف السميد

نخلط السميد مع الباقي بالملعقه لما يتمازج مع بعض

وبعدين نبدا بتوزيع الخليط بالصينيه بالتساوي  مثل هالصوره

بعدها والخطوه الاخير

نرش ع الطبقه العلويه شعيريه باكستانيه .. واللي مايحبها ممكن يرش سمسم او يخليها بدون رش >> صار مبيد حشري لوووووووووووول

..

بعدها ندخلها الفرن ويكون متوسط الحراره .. لمدة  ثلث او نص ساعه تقريبا

والافضل حسب ماتتحمر وتستوي ..

 يعني جربوا تدخلون طرف السكين اذا كان مستوي خلاص طلعوها ووزعوا عليها حليب نستله تقريبا نصف علبه

..

يالله نبي الهمه ياشباب ويابنات

كل شخص يدخل يقرا هالبوست يطبق اللي فيه ويرسل لي الصور ع الايميل

..

بأنتظار تطبيقكم و صوركم

..

اسيل

المدون ( محاولة للخلود) في القفص الذهبي …

….الأخ والصديق والحبيب ….

…. المدون….

وليد العتيبي

نرفع لك أسمى آيات التهاني والتبريكات بمناسبة الزواج

جعله الله زواجا سعيدا

وبالرفاء والبنين

سائلين الله عز وجل أن يديم الخير والسعادة عليكما

اللهم بارك لهما واجمع ينهما بخير وارزقهما الذرية والأولاد الصالحين واجعلهما بارين بوالديهم.. اللهم أسعدهما في الدنيا والآخرة وأبعد عنهما أهل الشر والحسد.. واحفظهما بحفظك وارعهما برعايتك… ولا تكلهما لأنفسهما طرفة عين..
اللهم أمدد لهما بالرزق ويسر لهما كل أمر اللهم أرزقهما سعادة الدارين وأفرحهما بجنتين اللهم أجزهما بالأحسان احسانا وبالسيئات رحمه وغفرانا …

وجميع شباب وبنات المسلمين يا أرحم الراحمين.. آمين…
وصل اللهم على نبينا محمد وعلى آله وصحبه أجمعين.

منكما المال و العيال
وفالكم الذرية الصالحة

يالله عسى بالتهاني لـك والتباريـك هي شرفتك أنت وأنت ترفـع شرفهـا
مـدري أهنـي ألأهـل وألا أهنيـك كل المراجـل صبتهـا فـي هدفهـا
أعلى المناصب يالشهـم ماتساويـك لو لبسـوك الأوسمـه فـي خزفهـا
أنت الشرف واسم الشرف مرتبط في شهامتـك بالطيـب كـل عرفـهـا
حكم العدل وأسـم المـروه مباديـك متمسـك فيهـا وغيـرك حذفـهـا
يالله عسى درب السعـاده مماشيـك ونفسـك عزيزه ماتدنس شرفها

واخيرا يسرني ان اقدم لك هذه الكيكه
ملاحظة ( الكيكه للعرض وغير صالحة للاكل )

كــهــــرمــــــان

 

( اخوي احمد فكر بتنزيل هذا الموضوع في مدونته ومدونتي في نفس الوقت .. فكتب الموضوع وضبطه ..

ونزله بمدونته وبعدها بكم يوم نزلتها بمدونتي .. واعتذر عن التاخير .. الله يوفق وليد ويسعده )

Aseel

عيدكم مبارك

مساء الاعياد

..

كيف الجميع مع العيد والفعاليات

..

كل سنه وانتو طيبين وينعاد علينا وعليكم بالصحه والعافيه يارب

..

دمتم بسعاده

..

اسيل

تأجيل الدراسه

 

 

http://saudiclock.com/inf/news-action-show-id-1259.htm

 

الله يكفينا شر المرض

ويحمينا منه

..

اسيل